Obxectivos

O SIEFI ten como finalidade:

• Ofrecer ao conxunto de empresas da eurorrexión unha serie de ferramentas e servizos que contribúan a orientar e facilitar a formulación de estratexias referentes á innovación, a súa implantación e xestión.
• Mellorar os medios e a operatividade dos socios participantes para desenvolver mellor as súas tarefas como entidades xeradoras e dinamizadoras da cultura innovadora.

Directorio empresarial Dispoñer dun directorio empresarial fiable e unificado con datos das empresas da eurorrexión.

Modelo de innovación. Establecer un modelo de innovación axeitado á realidade da eurorrexión que permita definir os indicadores máis representativos relativos á innovación, á calidade e ao desenvolvemento tecnolóxico, e tamén avaliar a actividade innovadora no tecido empresarial.

Sistema de información. Crear un sistema de información que permita un acceso áxil á información relacionada coa innovación na eurorrexión e co directorio empresarial.

Rede de entidades. Crear unha rede de entidades colaboradoras en materia de innovación.

Accións piloto. Desenvolver accións piloto que supoñan experiencias concretas de innovación empresarial.